Viaxe a Verín-Chaves: Castelo de Monterrei e balneario de Cabreiroá (2)

O Castelo érguese no alto vixiando as terras de Monterrei

Grazas ás oportunas nubes pódese soportar un pouco a temperatura que hoxe, a estas horas tempranas da tarde, resulta considerablemente alta. 

Rodeando o castelo, pasa o camiño entre un campo de malvas. O guía fala das controvertidas obras de restauración feitas no castelo,

Entre as historias que o guía contou sobre o castelo está a do nobre que agardando á amada compuxo unha melodía para a agasallar e mentras a cantaruxaba un rousinol aprendeuna tamén. O rousinol voou a onde estaba a amada e asubiolle a cantiga aprendida. así cando ela chegou ao castelo xa sabía a canción, e cantouna xunto ao sorprendido amado.

Balneario de Cabreiroá. A verdade é que o sabor é mellor do que o cheiro. Estas augas curativas feden que apestan mais vanse bebendo. O mellor é que o manancial é un sitio fresco, no medio dun parque con grandes árbores de sombra, como freixos e tulipeiros.

O encargado de facer a análise minerealóxica das augas foi nin mais nin menos que o premio nobel 1906 Santiago Ramón y Cajal, encargado por García Barbón que foi quen doou ao pobo de Verín o balneario.
Seica estas augas son especialmente boas para riles e fígado.