Excursión a Santiago: Os tellados de Catedral

A Catedral de Santiago está cuberta de pedras escalonadas. Para acceder cómpre subir un centenar de banzos que nos deixan sen folgos, mais paga a pena.  No alto a visión da cidade e da catedral coas súas cúpulas, torres e pináculos é espectacular. Todo adquire unha perspectiva diferente, en 360º.

Catedral de Santiago,

Catedral de Catedrais!

Chegar á praza do Obradoiro

sentir os Mestres Canteiros,

o son do martelo dándolle ao cincel:

trin trin trin trin,

ver tanta beleza tallada na pedra.

Pedra máxica e forte que nos fala

da cultura e duns homes que,

sen sabelo, estaban tallando historia 

para que nós a poidamos admirar

agora, despois de tantos séculos.

Feliz de contemplar Compostela

desde os tellados da Catedral,

desde onde se pode entender

por que as xentes do mundo

peregrinan a Santiago.

Grazas, Mestres Canteiros!

Que as xeracións vindeiras

poidan seguir disfrutando

destas preciosas pedras.

Pili Abeijón

Vós que os fixeches de Dios ca axuda

de inmortal nome, Mestre Mateo,

xa que aí quedaches homildemente

arrodillado, faláime deso.

Mais c’o eses vosos cabelos risos,

santo dos croques, calás… i eu rezo.

                                          Rosalía de Castro - Follas Novas