Castañas asadas no carriño da castañeira

Este ano celebramos o Magosto dunha maneira un tanto peculiar. A pesar de ter que manter a distancia de seguridade, puidemos desfrutar no patio dunhas riquísimas castañas asadas.

As clases en EBI

Non van deixar de aprender, nin de ocupar as tardes vindo á escola coas compañeiras.

 

Obradoiros 2020.21

 

Desde o EDLG chéganos a proposta para traballar a lingua este curso

"O noso proxecto diríxese tamén ao alumnado maior, que asiste ás ensinanzas de adultos, na súa maioría galego-falante. Ofrecémoslle cursos que lle permitan ESCOLLER GALEGO non só na conversa cotiá senón tamén para escribir e acceder á cultura e ás novas tecnoloxías. Pero queremos ademais fomentar a súa autoestima e pedirlles que animen ás novas xeracións, no instituto e nas súas propias familias, a escoller ese galego tan fermoso que falan para poder recuperar a súa transmisión xeracional, rota na maioría dos fogares de Cangas.

 Liñas de traballo

-COIDA DAS TRADICIÓNS E DO PATRIMONIO: Samaín, Magosto, Entroido, Letras Galegas

-ESCOLLE GALEGO NO TEMPO DE LECER: cine, teatro, música, baile, pintura, ilustración...

-ESCOLLE GALEGO PARA ACHEGARTE AO PORTUGUÉS

-ESCOLLE GALEGO PARA A CIENCIA E A TECNOLOXÍA

-ESCOLLE GALEGO NA EMPRESA E NA PUBLICIDADE

-ESCOLLE GALEGO NO MUNDO DIXITAL E NAS REDES SOCIAIS

-ESCOLLE GALEGO NA PRENSA

 -ESCOLLE GALEGO NA DEFENSA DOS VALORES

CONTRA AS RELACIÓNS TÓXICAS.

          A FAVOR DOS DEREITOS HUMANOS e da PAZ.

A FAVOR DA IGUALDADE: Día da Muller.

A FAVOR DA DIVERSIDADE."

 

Comezo de curso

• Como teredes sabido pola prensa e a web do instituto o inicio de curso para ensinanzas regradas foi posposto unha semana o que significa que Secundaria, Bacharelato e Ciclos así como Ensinanzas Básicas e Secundaria de Adultos empezarán a partir do 23 de setembro.

• No que respecta á quenda de tarde, acordamos facer a presentación das Ensinanzas Básicas esta mesma tarde xa que o alumnado estaba convocado e o próximo mércores 23 será a presentación de 1º/3º ESA ás 17h.

• A matrícula nos Obradoiros será do 28 ao 30 de setembro en horario de 17 a 20h permanecendo aberta do 5 ao 15 de outubro en horario de 16 a 17h nos cursos en que quede praza. 

Confirmamos que haberá Obradoiros de Inglés de distintos niveis, Lingua para persoas estranxeiras, Lectura en Galego, Ximnasia, Memoria, Historia, Micoloxía, Xardín, Bitácora e  Iniciación a novas tecnoloxías.

Para matricularse, o alumnado novo terá que traer dúas fotos e fotocopia do DNI. 

Quen queira renovar o seu carné de estudante ten que traer o antigo e, se precisa, foto nova.

NOVO CURSO PREVISIÓNS

Chegou setembro e aquí estamos de novo. 

As propostas para o curso que empeza son, como en cursos anteriores,  as seguintes:

Ensinanzas Básicas Iniciais 1 e 2

Prevense clases presenciais en grupos reducidos con horarios parciais.

Educación Secundaria

1º cuadrimestre: 1º e 3º  ESA

2º cuadrimestre: 2º e 4º  ESA

Clases presenciais en grupos reducidos. 

Obradoiros

Lingua para persoas estranxeiras, Inglés, Ler en Galego, Caderno de Bitácora, Memoria, Historia, TIC

(Pendentes de confirmar novas propostas)

FP

Ciclo Superior de Administración e Finanzas

Ciclo Superior de Administración de Sistemas de Telecomunicacións e Informáticos

Ciclo Superior de Desenvolvemento de Aplicacións Web (a distancia)

Aula Mentor

Aprende o alfabeto cirílico ruso con Irina

Facendo limpeza nos primeiros días no confinamento encontramos un conto ruso coas letras do alfabeto cirílico. Durante as clases on line Irina Berelet, alumna de Lingua para persoas Estranxeiras no IES de Rodeira, empezou a traducilo.

Á marxe da curiosidade que teñamos en aprender este interesante alfabeto, o encanto da tradución é tal que só por iso xa paga a pena ler os comentarios que Irina fai de cada páxina e escoitar os seus audios.

Os pequenos fallos ortográficos e gramaticais engaden encanto á tradución e son propios da idiosincrasia do idioma ruso.

Caderno de poesía con Bethania

Que mellor pracer que ler poesía en língua portuguesa ao mesmo tempo que escoitamos recitar -e cantar- a Maria Bethania algúns dos seus poemas favoritos e vemos desfilar as coloridas ilustracións.

Calendario de probas telemáticas ESA

Calendario de probas telemáticas:

Probas extraordinarias de 1º e 3º ESA

luns, 15 de xuño                   Ámbito de Comunicación/ Inglés

martes, 16 de xuño               Ámbito Científico-Tecnolóxico e Sociais

mércores, 17 de xuño           Avaliación e entrega de notas

Probas ordinarias de 2º e 4º ESA

mércores, 17 de xuño            Ámbito de Comunicación/ Inglés

xoves, 18 de xuño                 Ámbito Científico-Tecnolóxico e Sociais

venres, 19 de xuño                Avaliación

martes, 23 de xuño                Entrega de notas

        

Probas extraordinarias de 2º e 4º ESA (posibilidade presencial)

mércores, 2 de setembro         Ámbito de Comunicación e Inglés

xoves, 3 de setembro              Ámbito Científico-Tecnolóxico e Sociais

venres, 4 de setembro             Avaliación e entrega de notas

*(poñerse en contacto coa titora para concertar a hora da proba)