Un anaco de África na biblioteca

Unha boa maneira de dar a coñecer a propia cultura é compartindo comida e bebida. Por iso Mina apareceu na festa multiculti desta tarde con doces -fkaks e medias lúas ou cornos de gacela- para acompañar o té con menta  que preparou Khadija. Había unha tarteira de barro para facer tajin coa súa base tamén de barro onde se van as brasas. Fatima trouxo a cuscuseira ou pota de facer cuscús e a peneira que se usa para escoller o gran.  Todo da zona de Agadir, na costa suroccidental de Marrocos.

As roupas e calzado son outro xeito de identificarse, como os longos kaftáns e as babuchas marroquís ou os coloridos tecidos traídos por Margaret que vestíu un traxe tradicional do seu país, Ghana, e mostrounos algunhas das teas de cores con que se confeccionan alí os vestidos das mulleres.

 

 

 

  

 

 

 

Parece que os pasteis sabían que gorentaban que enseguida acabaron.

As receitas son de Mina.

MEDIAS LÚAS ou CORNOS DE GACELA (Kaab laghzal)

Ingredientes:

250 gr de manteiga

2 vasos de azucre

2 vasos de aceite

2 ovos

1 vaso de coco

1 sobre de levadura

1 kg fariña, para añadir pouco a pouco

Elaboración:

Faise unha masa cos ingredientes. Cando está a masa preparada fanse medias lúas e métense no forno a 180º durante 25 minutos. Despois bótaselle  azucre glass enriba.

 

 

 

 

 

 

 

 

FKAKS

Ingredientes:

1 vaso de azucre

1 vaso de aceite

3 ovos

1 sobre de levadura

1 kg de fariña

améndoa troceada

Elaboración:

Unha vez feita a masa con todos os ingredientes, estírase en forma de barras de pan e píntase coa xema de ovo. Métense no forno a 180º durante 15 minutos. Despois deste tempo sácanse e pónselles um trapo húmido enriba outros 15 minutos até que se enfríen. Córtanse as barras en rebanadas e vólvense meter no forno 10 minutos.