Visita ao centro histórico de Caminha, dolmen da Barrosa e piñeiral do Camarido

Ademais da panorámica que desde o alto hai sobre Caminha, na Torre do Relógio, en plena praza do Chafariz da cidade medieval, expóñense maquetas de distintos edificios históricos. E no seu Museu pódense ver entre outras cousas, fotografías da cividade de Âncora e a maqueta do dolme da Barrosa que despois visitamos, tamén en Âncora.

 

En Vila Praia de Âncora encóntrase o dolmen da Barrosa. Este monumento megalítico consta dunha serie de esteiros verticais que sosteñen unha enorme laxe enriba, o conxunto forma unha cámara  á que se accede por un corredor, tamén de pedras chantadas máis pequenas, simbolizando así o ventre da nai Terra.
 

  

Nos mesmos terreos que acollen o dolmen están as hortas comunitarias de Âncora, que tamén visitamos e onde cada quen recolleu ideas ou inspiración para a súa propia horta e para a horta común na que tamén traballamos.

 

 

 

Deixamos para o final o paseo polo piñeiral do Camarido e a praia de Moledo.