exposición de fotografía e salinas romanas

 O 17 de marzo visitamos a exposición de fotografía de Catalá-Roca na Fundación Barrié de la Maza onde a principios de curso fixemos tamén a visita guiada do fotógrafo brasileiro Caio Reisewitz. Esta vez a exposición é dun catalán, e as súas fotografías leváronos aos anos 50 e 60 a través de rostros -algúns coñecidos como o de Dalí saltando á corda- e paisaxes, por espazos rurais e cidades da xeografía peninsular. Como nunha película pasaron polas nosas retinas imaxes da cotidianeidade de hai medio século, dunha naturalidade que semellaba máis que contemporánea.

Despois fomos visitar as salinas romanas do Areal ("Salinae"), as únicas salinas de evaporación solar musealizadas, onde mergullamos nun pasado bastante máis remoto que o das fotografías, un pasado de arredor de dous milenios!