día das mulleres

 

Desde sempre a quenda de tarde é sobre todo das mulleres. Mulleres que estudan, que escriben, que len, que cantan e bailan, recitan, cociñan, celebran.  Mulleres soas, mulleres amigas, amantes, compañeiras. Mulleres que crian e coidan, aboas e nais. Mulleres que agardan, mulleres mariñeiras. Mulleres en paro, mulleres que procuran traballo, que buscan e encontran e non desesperan. Mulleres de aquí e de acolá. Mulleres que arriscan, que crean, que viaxan, que descubren o mundo que as rodea e máis alá. Mulleres que se descubren a si mesmas.