Outras viaxes ao pasado

Esta visita ao monumento megalítico de Ales Stenar, na provincia escandinava de Skana no sur de Suecia, realizouse dentro do programa europeo Grundtvig no que participamos xunto con Eslovaquia, Grecia, Suecia, Italia, Comunidade Valenciana e Portugal.

As fotos son da viaxe de ida a Malmö, vía Londres, a visita a esta construción de grandes pedras colocadas en forma de barca no lugar de Ales Stenar que é probablemente un antigo calendario solar para situar o momento do solsticio e o resto do ciclo solar. Tamén se pode ver un gran túmulo de pedras que constituía un enterramento dobre. O resto das fotos son do recibimento na escola de Malmö por parte do alumnado de Olle e o coro multicultural de Eva, e algunhas actividades realizadas alí.