Charla sobre a megaminería do ouro.
Nesta actividade o
periodista Emilio Varela falounos das consecuencias sobre a saúde e o medio ambiente
que conlevan certos sistemas de extracción do ouro.
A través dunha visión
global e persoal comezou resaltando os valores paisaxísticos e a diversidade
da comarca de Bergantiños, concretamente Cabana, onde se pretendía abrir unha mina a ceo
aberto para extraer ouro mediante o proceso de
lixiviado con cianuro e o impacto que suporía sobre o medio ambiente semellante
empresa.
Con múltiples
exemplos e diverso material audiovisual foi levándonos a unha toma de
conciencia sobre o valor relativo de controvertido “todo o que brilla é ouro”.
De xeito ameno levounos atrás no tempo, á ruina
montium que os romanos utilizaron para explotar as Médulas, á febre do
ouro que levou a tantos colonos a atravesar o far West ou chegar a Alaska, aos garimpeiros do río Amazonas ou á procura de ElDorado.
Até vimos un
anaquiño da Quimera do ouro de Chaplin. Este que segue debe ser a continuación
pois na escena anterior acababan de poñer a mesa.
Un repaso á historia, ecoloxía e actitudes da
sociedade fronte á dictadura de quen vai só atrás do negocio.
Ningún comentario:
Publicar un comentario