Por ser muller...

A meirande parte da poboación feminina no mundo non ten acceso á educación formal o que a excluúe do mercado laboral relegando o seu traballo ao ámbito doméstico. En cambio, ese traballo "invisible" supón unha formación contínua na que as mulleres aprenden todo tipo de habilidades: son educadoras da prole, doctoras que practican a pediatría máis indolora e a xeriatría máis paliativa, químicas e chamanas que experimentan no laboratorio da cociña coas propiedades curativas  dos alimentos, psicólogas que mitigan  medos e inseguridades diversas,  abogadas  resolvendo conflictos e as mellores economistas xestionando os ingresos da pequena ou grande comunidade familiar da que forman parte; ademais de costureiras, restauradoras, meteorólogas, agricultoras, cantoras, poetas, matronas, deportistas de alto rendimento en maratóns interminabeis e actrices capaces de poñer boa cara aos peores tempos.

Todo iso en sistema multitarefa, na maioría dos casos sen dereito a librar fins de semana, sen vacacións, sen xubilación, sen salario de seu, con moitas horas extras sen ningunha paga.

Se o seu colectivo en pleno se rebelase un día  e se deixase quedar de brazos cruzados nin que fose unha semana, o mundo se paralizaría.

...imposible?

Por se non chegase co inxusto do reparto, en moitos países o feito de ser nena leva implícitas penas adicionais como ser obrigada a casar nova, convertirse prematuramente en nai ou ser obxecto de violencia.

Estes son algúns dos vídeos da  Campaña “Por ser nena”  no día internacional da nena (11 de outubro):

Finalmente estes pertencen a ese extremo inadmisible no que perviven prácticas como a ablación - mutilación xenital feminina- ou o castigo por lapidación.