22 de mar. de 2021

No Faro de Vigo encontrámonos hoxe con Moisés, alumno de obradoiros

O que o Faro non conta é que Moisés leva anos sendo alumno de Rodeira, onde ten asistido regularmente a cursos de Informática, Inglés, Historia ou Memoria, entre outros. Algunha vez foi invitado a outros obradoiros para contarnos como percibe el o mundo. Pero o que máis nos chama a atención nel é a súa disposición para apuntarse a canta actividade organizamos e canta saída fixemos (en pasado porque levamos un ano enteiriño sen saír a ningures e menos mal que seguimos tendo actividades dentro), visitar canto museo, "ver" coas mans e a imaxinación canta exposición, apalpar esculturas, estatuas, muros, petroglifos, ulir canta flor, probar canta galdrumada e nas viaxes de xornada enteira e fin de semana a Portugal as horas pasadas serviron para coñecelo mellor, sorprendernos coa súa curiosidade e rir co seu bo humor. 
Así queda máis completa a reportaxe do Faro.

Ningún comentario:

Publicar un comentario